पद उही तर सेवा सुविधाका हिसाबले झण्डै अकाश र जमिनको अन्तर ! निजामती र संस्थान तथा वोर्डतिरको जागिरमा देखिएको तलब तथा सेवा सुविधाको खाडलको कथा हो यो । निजामती सेवामा रहेका छैटौँ तहका (अधिकृतस्तरका) कर्मचारीले थाप्ने तलब मासिक ४८ हजार ६८९ रुपैयाँ मात्र हो तर उही तहमा कार्यरत नेपाल राष्ट्रबैंकका कर्मचारीहरुले मासिक १ लाख १५ हजार,धितोपत्र वोर्डका कर्मचारीहरुले निजामती कर्मचारीहरुले भन्दा झण्डै दोव्वर तलब भत्ता खाइरहेका छन् । धितोपत्र वोर्डका कर्मचारीहरुले मासिक ८६ हजार हाराहारी तलब सुविधा बुझ्ने गरेको एउटा सरकारी प्रतिवेदनले देखाएको छ । पूर्वउपमहालेखापरीक्षक रामु डोटेलको संयोजकत्वमा गठित पूर्वसहसचिवद्वय चण्डीप्रसाद घिमिरे र रमेशप्रसाद सिवाकोटी सदस्य रहेको एउटा कार्यदलले सरकारी कर्मचारीहरुको तलबमा रहेको अन्तरसँग सम्बन्धित प्रतिवेदन हालै सार्वजनिक भएको छ । सो प्रतिवेदन केलाउँदा कृषि सामाग्री केन्द्र,नेपाल खानेपानी संस्थान र सार्वजनिक संस्थान प्रशारण नेपालका उही तहका कर्मचारीले निजामती सरह तलब तथा सेवा सुविधा नपाउँदा नेपाल राष्ट्र बैंकका कर्मचारीहरुले निजामतीभन्दा तेब्बर,धितोपत्र वोर्डका कर्मचारीहरुले उही तहका निजामती कर्मचारीभन्दा दोब्बर तलब सेवा सुविधा लिइरहेको पाइएको छ ।
बिज्ञापन
उसो त सो संस्थानका कर्मचारीहरुको लुट कतिसम्म छ भने भत्ता नै ४१ प्रकारको लिने गरेको समेत प्रतिवेदनमा उल्लेख छ । उनीहरुले पोसाक, टेलिफोन, खाजा, परिवहन, आवास, घरभाडा, स्थानीय, सञ्चार, अतिरिक्त समय, वार्षिकोत्सव, कार्यसम्पादनमा आधारित प्रोत्साहन, स्टेसन, लेखा तथा स्टोर, अशक्त, टेलिकम, सिफ्ट, नगद, अनकल कार्यदक्षताका अलवा आयोजना, जोखिम, कोष, शैक्षिक, उत्पादकत्व, व्यवसाय प्रवद्र्धन, व्यवसाय उत्प्रेरणा, कार्यालय प्रमुख, बाह्य कार्यालय, किरिया, नियमन, विशेष, पानी भत्ता, शिशु स्याहार, बाह्यस्थान सुविधा, केन्द्रीय बैंक भत्ता, हिसाब मिलान भत्ता, चाबी भत्ता, टेलर भत्तालगायत लिइरहेको उल्लेख गरिएको छ । यस्का अलवा तिनै कर्मचारीहरुले एउटै बैठकको भत्ता २ हजारदेखि ९ हजारसम्म लिने र भत्ता खानकै लागि मासिक रुपमा पाँच पटकसम्म बैठक बस्ने गरेको समेत देखिएको छ,प्रतिवेदनमा । उक्त प्रतिवेदनले संस्थान तथा वोर्डका कर्मचारीहरुले लुटको शैलीमा सुविधा निर्धारण गर्ने गरेको उल्लेख गरिएको छ ।
बिज्ञापन
सरकारमाथि जस्ले जति दबाब दिन सकेको छ उसले उति नै धेरै राज्यको ढुकुटी दोहन गर्न पाएको देखिन्छ । बजारमा प्रतिस्पर्धा गरेर वा कर्मचारी विशेष परिश्रम गरेर आर्जन गरेको वा बढाएको रकमबाट त्यसरी सुविधा लिएको भए त्यो धेरै चिन्ता र आपत्तिको विषय बन्ने थिएन । तर, नियामक वा एकाधिकार प्राप्त संस्थानका कर्मचारीले कुनै परिश्रम नगरी निजामती कर्मचारीभन्दा धेरै दोब्बर तथा तेब्बर गुणा बढी तलब सुविधा लिनुदिनु न्यायोचित मान्न नसकिने विश्लेषकहरु बताउँछन् । यस्ता निकायहरूमा केही वर्ष पहिलेसम्म त सामान्यतः तोकआदेशका भरमा नियुक्त हुने, हडताल गरेर स्थायी हुने र चाकरी वा पहुँचका आधारमा बढुवा हुनेगथ्र्यो । अहिले उपल्लो ओहोदामा पुग्नेहरूमध्ये धेरै यही प्रक्रियाबाट नियुक्त भएका हुनसक्छन् ।
यसरी आफूखुसी तलब सुविधा लिँदै आएका नेपाल धितोपत्र वोर्डका कर्मचारीहरु केही समय अगाडि सेवा सुविधा पुगेन भन्दै आन्दोलनमा उत्रिए । निजामती कर्मचारीभन्दा झण्डै दोब्बर सुविधा पाउँदै आएका त्यहाँका एक पछि अर्काे कर्मचारीहरु उल्टै राजीनामा दिन थालेका छन् । धितोपत्र वोर्ड स्रोतका अनुसार पछिल्लो बर्ष दिनमा दर्जनौंका संख्याका कर्मचारीहरुले जागिर छाडेर हिडेका छन् । यसरी जागिर छाड्नेमा काससँग उच्च तहका कर्मचारीहरु रहेका छन् । जसमध्ये सात जना उच्च पदस्थ कर्मचारी हुन । यसरी सो कार्यालयबाट समय अगावै बाहिरनेहरुमा निर्देशक कृष्ण घिमिरे, निर्देशक अञ्जु महतो र ऋषिराज पण्डित, सहायक निर्देशक रोशन राई तथा चार्टर्ड एकाउन्टेन्ट नमुना जोशी र आरती कोइराला लगायत रहेका छन् ।
बिज्ञापन
सो कार्यालयको अध्यक्षमा अहिले विचौलियाका रुपमा चिनिएका दिपक भट्टका एस म्यान सन्तोषनारायण श्रेष्ठ कुर्सीमा छन् । अध्यक्ष नै अख्तियारको राडारमा रहेको,उनका अनावश्यक दवाव र प्रभावका कारण आफूहरु समेत फस्न सक्ने भयका कारण धितोपत्र वोर्ड छाडेका केही अगाडि मात्र धितोपत्र वोर्डबाट बाहिरिएका एक अधिकृतले बताए ।
